O Alcalde esqueceuse de que o crecemento urbanístico, que tantos ingresos xenerou ao noso concello, xenera tamén novas necesidades de servicios e de equipamentos, e o prioritario é manter a calidade educativa e ofertar as prazas e os servicios necesarios.

 

Grave neglixencia e incapacidade de Angel García Seoane ao non cumprir as condicións para que Oleiros conte cun novo centro educativo. Primeiro a desculpa era que non había Plan de Urbanismo. Os socialistas fixemos o preciso para que o houbese. Pese a todo, o alcalde, despois de anos de advertencias sobre as dificultades para escolarizar os alumnos de Oleiros, ainda non fixo a cesión dun solar para construir un novo Colexio. A cesión municipal de solo é requisito indispensable, segundo está establecido normativamente, para que a Xunta de Galicia poida construír ese novo Centro, que todos recoñocemos como imprescindible para atender á demanda presente e futura de postos escolares.

 

O alcalde ten o instrumento necesario, o PXOM aprobado coas aportacións do Grupo Municipal Socialista, para firmar un convenio e ter disponibilidade de solo para facer o novo centro educativo.

 

O Grupo Municipal Socialista non admite excusas e moito menos que se intente desviar a atención polas carencias do goberno municipal acusando ós demais de traer alumnos doutros municipios ó concello. Un argumento é esperpéntico; quen ten a competencia para admitir as solicitudes de matrícula son os Consellos Escolares dos Centros Educativos nos que están representados os pais, os profesores e o propio Concello de Oleiros a través do Alcalde ou quen este designe como representante. Se non hai prazas nun centro educativo é a Comisión de Escolarización a encargada de resolver o problema, na que tamén está representado o Alcalde. Non o está a oposición, polo que, de haber algunha responsabilidade, teríamos que atribuirlla a quen goberna.

 

Cónstanos non obstante que os Consellos Escolares cumpren escrupulosamente coas súas obrigas en canto á matriculación de alumnos, de acordo co establecido pola lei, e a Comisión de Escolarización, na que está representada a Inspección da Xunta, os Directores e os sindicatos tamén cumpren a lei.

 

O problema non se resolve cerrándolle os micrófonos á oposición cando propón solucións en positivo a un problema e cando se ofrece, ante a incompetencia do goberno municipal, a axudar a resolver un tema tan importante como o da escolarización no municipio.

 

Os Consellos Escolares e a Comisión de Escolarización só lle conceden praza aos alumnos nos termos que marca a lei que supoñemos que o alcalde non quere conculcar unha vez máis, como ata o momento ven facendo a nivel persoal e político.